النظره الاخيره

موضوع: النظره الاخيره السبت مايو 03, 2008 9:30 pm

كل الظروف تحدّني للحزن ..
لو انوي ابتعادي
كل البشر تعتب عليّ
وتقول .. ذا يحصل وعادي
ما اعتقد
وهذا اعتقادي ..
اني بحزني ذا وحيد
وين الجديد ؟
قدّامي همّ
بالخلف غمّ
الحزن ذا ..
مالي عروقي مثل دمّ
ما شفت شي يبدي الفرح
لو شفت شي ..
كان الفؤاد نطنط بصدري
وانشرح
من يومه الخافق حزين
رافق قلوب ٍ حايرات
في همّهم متميّزين
ودّي استشير ..
من عنده العقل الرزين ؟
ودّي بنصحه امتثل
ودّي استفيد
هات المفيد
احذر تكرّر او تعيد
شدّيت حِملي .. بارتحِل
يا ذي الحبيبة تكرّمي
نظرة اخيرة .. باكتحِل
لا تجزعين .. كفّي العتاب
مهما الاقي من عذاب
ومهما حصل
ما اقدر اقول ..
حبك عن القلب انفصل
ومهما الاقي من جفا
بابقى على نظرة امل
يمكن ظروفك تجبرك
ويمكن يكون فيني الخلل
يا غالية
مهما يصير ..
تبقين * نجمة عالية *